الرياضيات من أمتع مواد الثانوية العامة وبالذات لما تكون مع مدرس شاطر
زي الأستاذ محمد إبراهيم اللي هيشرح لنا الرياضيات للثانوية العامة
وده طبعًا المنهج الجديد بعد التعديلات.

 الرياضيات للصف الثالث الثانوي: شرح المنهج كامل 2017 بالفيديو

الشرح ينفع تشوفه هنا على الموقع مباشرةً هتدوس بس على تشغيل
وقايمة التشغيل دي هتشغل كل الفيديوهات ورا بعض.

نشرنا أيضًا:
مدرسة على الهواء: شرح منهج الرياضيات لغات للصف الثالث الثانوي
أساسيات الرياضيات للمرحلة الثانوية

أو ممكن تدوس على كلمة لينك قايمة التشغيل دي وتشوفه على اليوتيوب
زي ما أنت عاوز واللي يريحك
المهم عاوزينك تفهم يا بطل.

أول حاجة تبدأ بيها هي الاساسيات وبعدها دوس في اللي أنت عاوزه
ينفع تبني بيت من غير قواعد!
أه ينفع بس هيوقع بسرعة ومش هيستحمل
وأنت بردو تقدر متشوفش الاساسيات
وهتبقى حافظ المسائل وازاي بتتحل ومش بعيد
تقفل كمان
بس الجميل أن الاساسيات دي هتوفر عليك وقت التنين
بدل ما تقعد تبدأ كل حاجة من الصفر
هي هتبني لك أرضية تكمل على أساسها.

اساسيات الرياضيات للصف الثالث الثانوي

الأستاذ محمد هيدينا فكرة عامة اساسيات الرياضيات زي الدوال وده في الفيديو الأول
 وبعدها شرح الدوال المعرفة بأكثر من قاعدة وملخص للدوال المعرفة بأكثر من قاعدة
وبعدين شرح رسم المنحنيات وأهم قوانين المساحات والحجوم
وكمان أهم قوانين ونظريات الهندسة المستوية وأهم قوانين ونظريات الأسس واللوغاريتمات
وكمان فيديوهين عن القسمة المطولة وإكمال المربع وأهم قوانين حساب المثلثات.




شرح منهج التفاضل للصف الثالث الثانوي

في الأول عمل مراجعة على أهم قوانين التفاضل ومهم جدًا على فكرة بردو
وبعدها اتكلم عن أهم قوانين حساب المثلثات وتفاضل الدوال المثلثية
ودالتي الظل والتمام والاساسيات على الدوال والاشتقاق الضمني والبارامتري
 والمشتقات العليا دي شرحها على فيديوهين
  ومراجعة على اساسيات رسم منحنيات الدوال الاساسية
وأهم قوانين الهندسة التحليلية وتطبيقات هندسية للاشتقاق
 وأهم قوانين المساحات والحجوم والمعادلات الزمنية المرتبطة
واتكلم عن عدد أويلر وأهم قوانين الأسس واللوغاريتمات للإنتقال إلى نهايات الدوال الأسية
 ونهايات الدوال اللوغاريتمية.



شرح منهج التكامل ثالث ثانوي

ده بقى شرح التكامل واتشرح فيه مفهوم المشتقة العكسية والتفاضلي وثابت التكامل
وأهم قوانين حساب المثلثات وشرح تكامل الدوال المثلثية وطرق التكامل المختلفة
وبعدها أهم قوانين الأسس واللوغاريتمات وشرح تكامل الدوال الأسية واللوغاريتمية والتكامل بالتجزيء
 وبعد كل ده مراجعة على أهم قوانين المساحات والحجوم ورسم منحنيات الدوال الأسية
 والتكامل المحدد والمساحات المستوية والحجوم الدورانية ومسائل عليها وأخر حاجة تطبيقات عامة على التكامل.


شرح منهج الاستاتيكا للصف الثالث الثانوي

القايمة دي هتلاقي فيها شرح منهج الاستاتيكا
واللي بيبدأ الأستاذ محمد إبراهيم شرحه بشرح الاتزان العام ثم مركز الثقل -مركز الكتلة-
وده الشرح النظري وبعد كده تجربة لتعيين مركز ثقل جسم غير منتظم وانتهى باستنتاج قوانين جزء مركز الثقل
وطريقة الكتابة السالبة وشرح مسائل متنوعة على هذه الجزئية.

لينك قائمة التشغيل على اليوتيوب




شرح منهج ديناميكا 3 ثانوي

الفيديو الأول ده فيديو توضيحي عن قانون نيوتن الثالث للحركة والذي بيقول
لكل قوة فعل قوة رد فعل، مساوية لها في المقدار ومعاكسة لها في الاتجاه، تعملان على نفس الخط وتؤثران على جسمين مختلفين
وبعدها شرح وتوضيح كيفية حركة الكتل المتصلة بالبكرات مع تغيير الكتل.


شرح منهج الجبر للصف الثالث الثانوي

تم نشر فيديو شرح اثبات علاقة اويلر للأعداد المركبة وفك المحددات
والفروع اللي لسه مكملتش هتكمل إن شاء الله قريب فمتقلقوش إن شاء الله كله هيبقى تمام.



خلي بالك كده معايا
بالنسبة لفيديوهات الاساسيات ممكن تشوفها مرة واحدة قبل ما تبدأ في أي فرع
أو هتلاقيها متوزعة في كل فرع يعني مثلا قايمة الجبر هتلاقي فيها الفيديوهات الخاصة باساسيات الجبر وكده
 بس من رأيي شوفها متوزعة احسن علشان المعلومات تكون لسه فاكرها وانت بتشوف شرح الدروس.

متنسوش تعملوا اشتراك لقناة الأستاذ محمد إبراهيم على اليوتيوب.

واعملوا شير كتييير
دوس على أي حاجة من اللي تحت دول بسرعة..