إزاي أتعامل مع جدول المذاكرة ؟

أخبـار جدول مذاكرتك إيـه ؟!
ــ خليـك واقعي ومتزودش وقت كبيـــر للـمذاكرة وتلغي كل حاجة، بالعكس لازم تخصص فيه وقت للبريك وتحترم البريك دا، اعمل لنفسك فيه أجازة تجدد نشـاطك فيـها بالشكل المناسب ليـك.
ــ ابدأ بمذاكرة المادة الكبيـرة، علشـان تخلـص من ضغطهـا.
ــ ترتيب جدولك يعتمد على ظروفك انت وقدراتك انت + “مواد الفهم” بتختلف في مذاكرتها اللي بتكون محتاجة جو هادي ودماغ صافية، عن “مواد الحل” ممكن تذاكرها في أي وقت ومكان أو حتى وانت بتسمع حاجة مثلا أو عندكوا ضيـوف.
ــ لو هاتذاكر أكتر من مادة في اليـوم، فـ كفـاية جدًا 3 مواد في اليوم الواحد.
ــ خليـك فـاكر إن المذاكرة مش بعدد الساعات اللي بتقعدها ع المادة، ولكن بطريقة مذاكرتك ؟ وهل حققت هدفك منها أو لأ ؟ ومدى استيعابك للي ذاكرته …؟
ــ الأفضـل انك متزودش مدة المذاكرة “للمادة الواحدة” عن ساعة، إلا لو صابح امتحان أو لازم تنجز المادة لأي سبب ما.
ــ لو عندك مواد متشـابهـة، افرق بينهم في المذاكرة علشان معلوماتهم متدخلش في بعضها .
ــ الجـدول مش قرآن = خليـك مـرن مع أي ظروف طارئة استجدت عليـك، بدون ما تحبط، أو تكسّـل تكمـل جدولك.
ــ خلي جدولك دايمـًا أدامك، لأنه محفز قوي ليك وفرحة بإنجـازك لما بتلتزم بيه.
في النهـاية كل شخص له طريقته المحببة في تنظيم جدوله، لكن حاول تعمل بالنقاط دي وفعلًا هاتفرق معاك أوي، بـالتوفيــق 
Close Menu
error: ممنوع نقل المحتوى