بنشكي من طول الوقت اللي بناخده في المذاكرة، مع ان في حاجات لو عملناها هاتساعدنا نذاكر بسرعة.
-
1- تقسيم الدَرس.ساعات الدرس بيحتوي على كَم كبير من المعلومات..وفى الحالة دي بتكون أفضل طريقة…تقسيم المعلومات، ودا بيسهل عليك المذاكرة.
- 2- ركّز على المخطوطات، والرسومات، لأنه بيسهل فَهم المعلومة من خلال ربطها برسمة ، صورة ، جدول.
-
3- محاولة فهم المعلومة قبل حفظها..بلاااش نحفظ الكلام زي ماهو مكتوب وخلاص.حاول تفهمه الأول..لأن دا بيسَهل عليك صعوبة المعلومة، وبيساعد على تَذكُرها بعد كدا.وكمان بيخلي الاستفادة من المعلومات أكبر، ونسبة التحصيل بتكون أعلى.
-
4- ماتخليش المعلومات تمر عليك مرور الكرام..حلِّل كل معلومة تقرأها..اسأل نفسك، ناقشها..واستفسر عن مدلولات كل كلمة.
-
5- بعد ماتخلص قراءة الدرس،أو المحاضرة..حل كل الأسئلة، والمسائل اللي عليه..
- 6- لو فيه معلومات محتاجة منك حفظ..سَمّعها أكتر من مرة،لحد ماتتأكد إنها بقت محفورة فى ذهنك، وانتقل للجزئية اللي بعدها واحفظها ، ثُمَّ سمّع الجزئية الأولى ، سواءً كان كتابة أو شفوّي أو بأي ّ طريقة إنت بتحفظ بيها .
أسرة مذكرة بتتمنالك دوام التوفيق والإنجاز
