اعرف إنت بتتعلم إزاي

ناس بيقولولَك سَمّع بالورقة والقلم ، وناس يقولولك لء ، خلّي حد يسمعلك ، وناس تالتة يقولولك سَمّع على نفسك اللي حفظته ،وعشان تنجِز أكتر في مذاكرتك ، وتعرف إنت إيه الأسلوب اللي بتحفظ بيه أسرع ، تعالى نعرف إنت بتتعلِم بأيّ طريقة

في المُتعلِم عن طريق عينه : وده شخص بيفهم أكتر لما بيشوف بعنيه عن لو  سمع حد بيقدمله نفس العرض ، واحد بيفضّل القراءة عن السماع ، واحد مُتمكِّن من القراءة السريعة ، وكمان بيتذكر الأشياء اللي قرأها بسهولة أكتر مما لو سمعها ، ودايمًا بيتذكر الفيديوز اللي بيشوفها بأغلب تفاصيلها .

وفي المُتعلِم عن طريق الفعل : وده مُتعلِم حِسّي ، بيتعلِم عن طريق إنه بيعمل الحاجات بإيده ، وده بيتميّز بإنه بيحب الأسلوب العملي في التعلُّم ، وبطئ في الكتابة ، وبيفهما زي ما بنقول “وهي طايرة”

وفي المتعلِم عن طريق ودانه : وده بيفضّل إنُّه يسمع أو يوصِف اللي يعرفه أو حافظه وميكتبوش ، وبيتذكر الأشياء اللي بيسمعها أكتر من اللي بيقرأها ، وبيتشتت بسرعة بسبب الدوشة اللي حواليه.

طبيعي إنَك ممكن تجمع بنسب مختلفة بين التلات أنواع دي بس أكيد في نسبة منهم أعلى من غيرها


لو إنت بتتعلِم عن طريق عينك : يبقى لازم تقرأ بتأنّي ، وتسمَّع على نفسَك بالورقة والقلم ، وطبعًا حاول تذاكر ومفيش جمبك دوشة.
ولو إنت بتتعلِم عن طريق الفعل : فهتحل المسائل بنفسك مش بس هتبص على الحل ، وكمان لازم تفكّر في الاستنتاجات على الأحداث اللي بتقرأها (لو بتذاكر تاريخ مثلًا) ، وبرضه متنساش الهدوء حولَك.
أما بقى لو إنت النوع الأخير : اللي بيتعلِم بودنه ، لازم وإنتَ بتذاكر تقرأ بصوت عالي ، وتركِز أوي مع شرح مدرسينَك ، وتسمّع اللي بتحفظه برضه بصوت عالي وأكتر من مرة عشان تثبِت المعلومة .. نسيت أقولَك : الهدوء مهم أوي في حالتك دي .

بالتوفيق لكل المُتعلمين
Close Menu
error: ممنوع نقل المحتوى